Azərbaycan.media xəbər verir ki, cari ilin noyabr ayında Azərbaycanda banklar tərəfindən 149 milyon 625.4 min ABŞ dolları alınıb. Axar.az-ın Teleqraf-a istinadla verdiyi məlumata görə, ötən ilin eyni dövrü ilə müqayisədə dollar alışı 38.7% artıb.
Bankların noyabr ayında avro alışı 8.1% artaraq 8 milyon 442.1 min avro, İngilis funt sterlinqi alışı 17.2% artaraq 339.6 min funt, Rusiya rublu alışı isə 4.4 dəfə artaraq 764 milyon 683.3 min rubl təşkil edib.
Banklar həmin ay 94 milyon 306.1 min dollar, 9 milyon 201.6 min avro, 797.3 min funt sterlinq və 167 milyon 401.7 min rubl satıblar. Satışla bağlı göstəricilər belədir: dollar 62%, avro 59.2%, funt sterlinq 43.9%, rubl isə 33% azalıb.
Hesabat dövründə bankların mübadilə mərkəzlərində orta məzənnələr belə olub:
Dollar: 1.6977 manat
Avro: 1.9592 manat
Funt sterlinq: 2.2383 manat
Rubl: 0.0207 manat
Qeyd edək ki, noyabr ayından fərqli olaraq ilin ilk üç ayında bankların dollar satışı alışını üstələyib. Yanvar ayında dollar satışı alışdan 2.53 dəfə, fevralda 23%, martda isə 6.5% çox olub.