Azərbaycan.media xəbər verir ki, Abşeron rayonu, Masazır qəsəbəsi, Ə.Vahid küçəsində yerləşən onbirmərtəbəli yaşayış binasında yanğın hadisəsi qeydə alınıb.
Fövqəladə Hallar Nazirliyindən verilən məlumata görə, hadisə ilə əlaqədar dərhal əraziyə FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.
Yanğınsöndürənlərin çevik və operativ müdaxiləsi nəticəsində binanın elektrik şaxtasında baş vermiş yanğının genişlənməsinə, o cümlədən mənzillərə keçməsinə imkan verilmədən qısa müddətdə söndürülməsi təmin edilib.
Hadisə nəticəsində şaxta boyu təxminən 30 p.m. elektrik naqili yanıb. Təhlükəsizlik tədbirləri çərçivəsində 10-u azyaşlı olmaqla ümumilikdə 25 bina sakini təxliyə olunub. Bir nəfərin tüstüdən zəhərləndiyi bildirilir.
Yanğın zamanı mənzillər və yaşayış binası yanğından mühafizə olunub.