Azərbaycan.media xəbər verir ki, Ermənistan Mərkəzi Bankı ölkədə daşınmaz əmlak bazarında qiymət dəyişikliklərini əks etdirən yeni statistik göstəriciləri açıqlayıb. Bu çərçivədə Yaşayış Daşınmaz Əmlak Qiymət İndeksi (YDAQ) dərc edilib.
Qeyd olunur ki, kadastr indeksi Ermənistan Kadastr Komitəsi tərəfindən qeydiyyata alınan bazar əməliyyatları əsasında rüblük hesablanır.
2025-ci ilin üçüncü rübündə yaşayış daşınmaz əmlakının qiymətləri ötən ilin eyni dövrü ilə müqayisədə 5,5%, əvvəlki rüblə müqayisədə isə 1,9% artıb. Xüsusilə, mənzillərin qiymətləri eyni dövrdə 2,0%, yaşayış evlərinin qiymətləri isə 18,6% yüksəlib.
Həmin dövrdə Ermənistanda təxminən 215,1 milyard dram (564 milyon dollar) dəyərində 7113 yaşayış daşınmaz əmlakının alqı-satqı əməliyyatı həyata keçirilib. Statistik göstəricilərə əsasən, 2025-ci ildə Ermənistanda bir mənzilin orta qiyməti təxminən 79 min dollar olub.