Azərbaycan.media xəbər verir ki, Pediatriya ixtisası üzrə tibb elmləri fəlsəfə doktoru Gültəkin Novruzova bildirib ki, müəllimlər hər birimizin həyatında əvəzolunmaz rol oynayır.
Ümummilli lider Heydər Əliyev bir dəfə demişdir: “Mən yer üzündə müəllimdən yüksək ad tanımıram. Hər birimizdə müəllimin hərarətli qəlbinin bir zərrəciyi vardır. Məhz müəllim doğma yurdumuzu sevməyi, hamının rifahı naminə vicdanla işləməyi müdrikliklə və səbirlə bizə öyrətmiş və öyrədir. Hər birimizin öz müəllimi vardır və biz bütün ömrümüz boyu onun xatirəsini hörmətlə, minnətdarlıqla qəlbimizdə yaşadırıq.”
Novruzova əlavə edib ki, müəllimlərin əməyi təkcə bilik verməklə məhdudlaşmır, onlar həm də əxlaqi və mənəvi dəyərlərin formalaşmasında əsas rol oynayır.
Mənbə: Azərbaycan.media