Azərbaycan.media xəbər verir ki, Antonio Quterreş İsrail və Fələstinin qonşu olaraq sülh şəraitində mövcud olmasının vacibliyini bildirib.
O, bu fikirləri Rəcəb Tayyib Ərdoğan ilə mətbuata birgə bəyanatlar zamanı səsləndirib. Quterreş çıxışında Qəzza zolağında davam edən hücumlar və Yaxın Şərqdəki humanitar vəziyyətə də toxunub.
BMT Baş katibi qeyd edib ki, dünyada sülh haqqında çox danışılır, lakin real barışa az rast gəlinir.
Onun sözlərinə görə, hazırda beynəlxalq hüququn pozulması halları müşahidə olunur: “Güc siyasəti güclənir. Süni intellekt də daxil olmaqla yeni texnologiyalar da şiddət riskini artırır”.