Azərbaycan.media xəbər verir ki, Samsung son yeniləməsi ilə milyonlarla istifadəçiyə təsir edən əhəmiyyətli addım atıb. Şirkət 2021-ci ildə buraxılan flaqman Galaxy S21 seriyasını yeniləmə siyahısından tamamilə çıxarıb.
Galaxy S21, S21+ və S21 Ultra modelləri artıq beş illik dəstək müddətini tamamlayıb, buna görə də bu cihazlar gələcək Android versiyaları və təhlükəsizlik yeniləmələri almayacaq. Bu isə onları gələcək təhlükəsizlik təhdidlərinə və proqram təminatı zəifliklərinə qarşı həssas edir.
Bundan əlavə, dəyişikliklər çərçivəsində Galaxy S22 seriyası və S21 FE modelləri də aylıq yeniləmə cədvəlindən çıxarılıb və üç aylıq dövrə keçirilib. Bu modellər üçün planlaşdırılan dəstək müddətinin son tarixi 2027-ci ilin fevral ayıdır.