Azərbaycan.media xəbər verir ki, İranda beynəlxalq internetə çıxış üzrə bütün məhdudiyyətlərin aradan qaldırılması barədə qərar qəbul olunub. Məlumata görə, İran Prezidenti Məsud Pezeşkian müvafiq qurumlara müraciət edərək, bütün bloklamaların götürülməsini tələb edib. Məqsəd internet bazarının canlandırılması və ictimaiyyətin beynəlxalq internetə sərbəst çıxışının təmin olunmasıdır.
Bildirilir ki, blokadaların aradan qaldırılması prosesi artıq icra mərhələsinə keçib və yaxın zamanda tam şəkildə həyata keçiriləcək.
Ekspertlərin fikrincə, bu addım İranda rəqəmsal iqtisadiyyatın inkişafı, eləcə də vətəndaşların informasiya azadlığının genişlənməsi baxımından mühüm dönüş nöqtəsi ola bilər.