Azərbaycan.media xəbər verir ki, ABŞ maliyyə naziri Skott Bessent açıqlayıb ki, Donald Tramp administrasiyası Kanadanın ucuz Çin mallarını ABŞ bazarına yönəltməsinə imkan verməyəcək.
Bessent bildirib ki, Kanadanın Baş naziri Mark Karni Çinə səfər edərək bəzi sənaye tariflərini azaldıb, bu isə ABŞ ilə Kanada arasındakı yüksək səviyyəli bazar inteqrasiyasına təsir göstərə bilər.
“Biz Kanadanın ucuz Çin mallarının ABŞ-a axdığı boşluğa çevrilməsinə icazə verməyəcəyik”, – deyə Bessent vurğulayıb və əlavə edib ki, Karninin bu addımları Kanada xalqına ən yaxşı şəkildə xidmət etmir.