Azərbaycan.media xəbər verir ki, Türkmənistan-Özbəkistan sərhədində yerləşən azad ticarət zonasında ticarət sahələrinin icarəsinə başlanılıb və sahibkarlar artıq biznes üçün yerləri rəsmi şəkildə bron edə bilərlər.
“Orient” informasiya agentliyi bildirir ki, sahəsi 3,1 hektar olan zona tamhüquqlu ticarət-xidmət kompleksidir. Burada 112 açıq qalereya, 28 qapalı pavilyon, 16 mağaza, həmçinin aptek, tibb mərkəzi, otel, kafe və 300 avtomobil üçün parkinq mövcuddur. Zona daxilində sərbəst hərəkətə imkan verən sadələşdirilmiş vizasız rejim də əsas üstünlüklərdən biridir.
“Şavat-Daşoğuz” pilot layihə kimi qiymətləndirilir və sərhədyanı ticarətin müasir və səmərəli modelinin potensialını nümayiş etdirir. Ticarət sahələrinin icarəyə verilməsi iki ölkə arasında ikitərəfli ticarət və yükdaşımaların 30 faiz artdığı bir dövrdə baş verir.