Azərbaycan.media xəbər verir ki, Xalq artisti Teyyub Aslanovun oğlu Nicat ailə həyatı qurub. Gənc cütlüyün toy mərasimi şəhərin məşhur restoranlarından birində baş tutub.
Nicat Qumru adlı xanımla evlənib. Zövqlə təşkil olunan toy məclisi səmimi və şən ab-havası ilə yadda qalıb. Mərasimdə musiqilər səsləndirilib, qonaqlar üçün geniş əyləncə proqramı təqdim olunub.
Toyda şou-biznes nümayəndələri, mədəniyyət və incəsənət cameəsinin tanınmış simaları iştirak ediblər. Qonaqlar gənc ailəyə xoş arzularını çatdırıb, onlara xoşbəxt və firavan ömür arzulayıblar.
Məclisdən olan görüntülər və videolar sosial şəbəkələrdə paylaşılıb və qısa zamanda izləyicilərin marağına səbəb olub. Paylaşımlar toyun ictimaiyyətdə böyük diqqət çəkdiyini göstərir.
Mənbə: Azərbaycan.media