Azərbaycan.media xəbər verir ki, Rusiya Ukraynanın nüvə elektrik stansiyalarına zərər vurmaq niyyətindədir və Kiyev Moskvanın hansı ərazilərdə kəşfiyyat apardığı barədə məlumatlara malikdir.
Bu barədə Ukrayna Prezidenti Volodimir Zelenski çıxışında bildirib. Onun sözlərinə görə, Ukrayna nümayəndə heyəti Amerika tərəfini ölkədə baş verən hadisələr, eləcə də Rusiyanın enerji şəbəkəsinə davamlı zərbələri barədə ətraflı məlumatlandırır.
“Əgər ruslar müharibəni bitirmək məsələsində həqiqətən ciddi olsaydılar, raket hücumlarına, elektrik kəsintilərinə və hətta nüvə elektrik stansiyalarımıza zərər vurmaq cəhdlərinə deyil, diplomatiyaya diqqət yetirərdilər. Bütün bunlar açıq şəkildə göstərir ki, diplomatiya Rusiya üçün mütləq prioritet deyil”, – deyə Zelenski vurğulayıb.
Dövlət başçısı, həmçinin qeyd edib ki, Rusiya qüvvələri bütün həftə ərzində ölkənin müxtəlif bölgələrində “Naftogaz” şirkətinə məxsus obyektlərə hücumlar həyata keçirib. Onun sözlərinə görə, son hücum qaz hasilatı obyektinə edilib və bu insident dünən qeydə alınıb.