Azərbaycan.media xəbər verir ki, Ermənistan Baş naziri Nikol Paşinyan bildirib ki, Azərbaycandan idxal olunan benzin Ermənistan bazarında qiymətlərin orta hesabla 15% azalmasına səbəb olub.
Paşinyan qeyd edib ki, Azərbaycan benzini bazarda uzun müddətdir mövcud olan inhisarçıların mənfəətini azaldacaq. O, həmçinin Bakı ilə ticarətə qarşı çıxanların narahatlıqlarını yersiz adlandırıb və Ermənistanın guya Azərbaycan iqtisadiyyatını və ordusunu maliyyələşdirdiyi iddialarını təkzib edib.
Baş nazir vurğulayıb ki, tərəflər arasında sülh mövcuddur və bu münasibətlər institusional səviyyədə möhkəmləndiriləcək.