Azərbaycan.media xəbər verir ki, İsrail Müdafiə Ordusu (İMO) Qəzza zolağının cənub və şimal bölgələrində HƏMAS hərəkatının infrastrukturuna dəqiq zərbələr endirib.
İsrail ordusu sosial şəbəkədə yayımladığı açıqlamada bildirib ki, bu əməliyyat HƏMAS tərəfindən həyata keçirilən uğursuz hücum cəhdlərinə cavab olaraq aparılıb.
Ordunun məlumatında deyilir:
“Qəzza şəhərindən İsrailə yönəldilən uğursuz atəşlərə cavab olaraq, İMO HƏMAS terrorçularına və onların infrastrukturlarına dəqiq zərbələr endirib.”
İsrail atəşkəs razılaşmasının hər hansı pozulmasını pisləyir və təhdidlərin qarşısını almaq üçün hərəkət edəcəyini vurğulayıb. Zərbələr bir neçə HƏMAS döyüşçüsünə, buraxılış məntəqələrinə və əlavə infrastruktura yönəldilib.