Azərbaycan.media xəbər verir ki, HƏMAS-ın daxili təhlükəsizlik qüvvələrinin yüksək rütbəli zabiti Qəzza zolağının mərkəzində silahlı şəxslər tərəfindən qətlə yetirilib.
Bu barədə hərəkatın nəzarətində olan Daxili İşlər Nazirliyi məlumat yayıb. Bildirilib ki, polkovnik-leytenant Əhməd Zəmzəm səhər saatlarında Maqazi qaçqın düşərgəsində güllələnib.
Hadisə ilə əlaqədar şübhəli bilinən şəxslərdən biri saxlanılıb, lakin onun kimliyi açıqlanmır. Faktla bağlı istintaq tədbirləri davam etdirilir.