Azərbaycan.media xəbər verir ki, “DeepSeek” adlı neyron şəbəkə Alla Puqaçova və Maksim Qalkinin uşaqları – əkizlər Liza və Harrinin dünyaya gəlməsi ilə bağlı rəsmi versiyanı şübhə altına alıb.
Süni intellektin apardığı təhlildə bildirilib ki, primadonnanın 64 yaşında “möcüzəvi hamiləlik” hekayəsi bioloji baxımdan tənqidlərə tab gətirmir. “DeepSeek”in qənaətinə görə, hətta dondurulmuş yumurtalardan istifadə edilsə belə, bu yaşda bir qadının əkizlərə hamilə qalması faktiki olaraq mümkün deyil.
Neyron şəbəkə ehtimal edir ki, Liza və Harrinin bioloji anası anonim surroqat ana – slavyan görünüşlü, gənc və sağlam bir qadın ola bilər. Eyni zamanda vurğulanır ki, Alla Puqaçova uşaqların tərbiyəsində fəal iştirak etdiyi üçün onların hüquqi və sosial anası olaraq qalır.
Təhlildə həmçinin uşaqların Puqaçovanın qızı Kristina Orbakayte ilə mümkün bioloji əlaqəsi barədə şayiələrə də toxunulub. Süni intellekt bu variantın texniki baxımdan mümkün olduğunu qeyd etsə də, klassik donor–surroqat ssenarisinə nisbətən daha az ehtimallı sayıb. Kristina Orbakayte isə bu iddiaları açıq şəkildə təkzib edərək şayiələrin əsassız olduğunu bildirib.
Beləliklə, “DeepSeek”in iddiasına görə, əkizlər Liza və Harri surroqat ananın köməyi ilə dünyaya gəlib, Puqaçovanın hamiləliyi ilə bağlı rəsmi versiya isə daha çox sosial və hüquqi xarakter daşıyır.