Azərbaycan.media xəbər verir ki, 2025-ci ilin yanvar-noyabr aylarında ölkədə 2 815 kq qızıl, 3 505,5 kq isə gümüş istehsal edilib. Bu barədə məlumatı Dövlət Statistika Komitəsinə istinadən “APA-Economics” yayıb.
Rəsmi göstəricilərə əsasən, qızıl istehsalı ötən ilin eyni dövrü ilə müqayisədə 9,7 faiz, gümüş istehsalı isə 14,4 faiz artıb.
2025-ci il dekabrın 1-nə olan məlumata görə, Azərbaycanda hazır məhsul ehtiyatı üzrə 155 kq qızıl və 885,3 kq gümüş mövcuddur.
Xatırladaq ki, 2024-cü il ərzində ölkədə 2 663,5 kq qızıl və 3 184,9 kq gümüş istehsal olunub.