Azərbaycan.media xəbər verir ki, Binəqədi rayonunda kafedə baş vermiş yanğınla bağlı yeni detallar məlum olub. Hadisə şahidlərindən biri Baku TV-yə açıqlamasında yanğın zamanı xəsarət alan şəxslərdən birinə kömək etdiyini bildirib.
“Yananlardan birinə kömək elədim. Təcili tibbi yardım gəlib apardı. İşçilərdən biri yanırdı, mən söndürdüm…”, – deyə şahid bildirib.
Qeyd edək ki, ötən gün Bakı şəhəri, Binəqədi rayonu, S.Məmmədova küçəsində yerləşən obyektlərdən birində partlayış baş verib. Nəticədə üç kişi müxtəlif dərəcəli yanıq xəsarətləri alıb və Yanıq Mərkəzinə yerləşdirilib.