Azərbaycan.media xəbər verir ki, Dövlət Neft Fondu ölkənin makroiqtisadi sabitliyinin təmin olunmasında mühüm rol oynayır. Bu barədə iqtisadçı ekspert Xalid Kərimli 525.az-a açıqlamasında bildirib.
Ekspertin sözlərinə görə, Fondun formalaşdırdığı böyük həcmdə ehtiyatlar Azərbaycan iqtisadiyyatının sabitliyinin əsas sütunlarından biridir. Neft sektorundan daxilolmaların azaldığı hallarda belə, məhz bu ehtiyatlar sayəsində valyuta bazarında stabillik qorunur:
“Bu gün Fondun vəsaitləri hesabına iqtisadi tarazlıq saxlanılır. İqtisadiyyatın davamlı inkişafının təmin olunması üçün əlavə dəstək mexanizmi formalaşır. Bu, xüsusilə qlobal iqtisadi qeyri-müəyyənliyin artdığı dövrlərdə ölkə üçün mühüm əhəmiyyət kəsb edir”, – Xalid Kərimli vurğulayıb.