Azərbaycan.media xəbər verir ki, paytaxtın Yasamal rayonunda bir neçə oğurluq hadisəsi qeydə alınıb.
Daxili İşlər Nazirliyinin Mətbuat Xidmətinə istinadən bildirilib ki, vətəndaş polisə müraciət edərək 5000 manat dəyərində qızıl-zinət əşyası və 220 manat pulunun oğurlandığını bildirib.
Polis əməkdaşlarının keçirdiyi tədbirlər nəticəsində 43 yaşlı S. Dadaşova müəyyən edilərək saxlanılıb. Araşdırmalar zamanı onun noyabrın 1-dən 25-dək xadimə kimi çalışdığı evdən hissə-hissə qızıl-zinət əşyalarını oğurladığı müəyyən olunub.
Rayon ərazisində aparılan digər əməliyyat zamanı isə zərərçəkənin cibindən 1882 manat talamaqda şübhəli bilinən 25 yaşlı S. Salmanzadə də saxlanılıb.
Faktlarla bağlı araşdırmalar davam etdirilir.