Azərbaycan.media xəbər verir ki, 7 noyabr 2025-ci il tarixində baş tutan və Zəfərimizin 5 illiyinə həsr olunmuş “Odlu Silah Yaralanmaları: Zəfərə Gedən Yolda Həkimin Mübarizəsi” adlı elmi-praktik konfransda tanınmış tibb mütəxəssisi Gültəkin Növruzova da iştirak edib.
Konfrans, müharibə dövründə həkimlərin göstərdiyi fədakarlığı və tibbi mübarizəni elmi müstəviyə daşımaq məqsədi daşıyırdı. Gültəkin Növruzovanın iştirakı bu mübarizənin həm simvolik, həm də praktik tərəflərini bir araya gətirən nümunəvi bir addım kimi qiymətləndirilir.
Tədbirin sədri Dr. Anar Aslanov və AHPBCA sədri Dr. Eldar Əhmədov tərəfindən imzalanan sertifikat, iştirakçıların elmi və insani töhfələrini sənədləşdirən rəsmi bir nişanə olaraq təqdim olunub.
Bu konfrans, yalnız tibbi biliklərin paylaşılması ilə kifayətlənməyib, həm də Zəfər tariximizin yaddaşına yeni bir səhifə əlavə edib — həkimlərin səssiz qəhrəmanlığını elmi dillə danışdırıb.
Fuad Biləsuvarlı
Mənbə: Azərbaycan.media