Azərbaycan.media xəbər verir ki, Mir Şahin Ağayevin sözlərinə görə, Yadigar Muradov Qarabağ tarixinin ən maraqlı səhifələrindən birinin canlı şahididir. O, uzun illər işğal altında qalmış, sonra isə Zəfərlə azad edilmiş Şuşanın, Qarabağ intizarının və Vətənə qovuşmuş ruhun simvolu olaraq yadda qalacaq.
Bəzi insanlar onu yalnız Aşıq Yediyar kimi xatırlayır və belə də saxlamaq istəyirlər. Lakin Mir Şahin Ağayevin fikrincə, Yadigar Muradovu tarix orijinalında – Şuşa Dövlət Musiqili Dram Teatrının direktoru, Qarabağın əlahəzrət dərd nişanı kimi xatırlamalıdır.
“Xarıbülbül” festivalı zamanı Şuşada gəzərkən Yadigar Muradov əməliyyatdan sonra səsində xırıltı olmasına baxmayaraq çox danışmaq istəyirdi. O, Cıdır Düzündə “Mən aşıq neynən alım, əlif-beynən alım!” deyə oxumaq arzusunu dilə gətirdi, amma səsi buna imkan vermədi, qəhərləndi və susdu.
Yadigar Muradov getdi, amma onun ruhu Şuşa və Qarabağla birgə qalacaq. Şuşa Yadigar Qaldı!
Mirşahin Ağayev
Mənbə: Azərbaycan.media