Azərbaycan.media xəbər verir ki, həkim Denis Prokofyev suşi və rolların sağlamlıq üçün təhlükələrini diqqətə çatdırıb.
Prokofyev bildirib ki, gənclər arasında məşhur olan suşi və rollar düzgün hazırlanmadıqda qida zəhərlənməsi və ya salmonella infeksiyasına səbəb ola bilər. Xüsusilə çiy balıq və qaymaqlı pendir risklidir.
Həkim vurğulayıb ki, yalnız etibarlı mənbələrdən alınan, keyfiyyətli məhsullardan hazırlanan suşi və rollar təhlükəsiz hesab edilə bilər.
Bundan əlavə, yeməklərlə verilən zəncəfil turşusu və vasabi təbii antiseptik xüsusiyyətlərə malik olsa da, onların həddindən artıq istifadəsi mədənin divarını qıcıqlandıraraq qastrit və mədə xorasının kəskinləşməsinə səbəb ola bilər.
Prokofyev suşini küçə fast-fudu hesab etməyin və onu yalnız təmiz və etibarlı restoran şəraitində yeməyin vacib olduğunu qeyd edib.