Azərbaycan.media xəbər verir ki, Pakistan ordusu ilə baş verən toqquşmalarda həlak olan əfqan hərbçilərinin sayı azı 489 nəfərə çatıb, 696-dan çoxu isə yaralanıb.
Məlumata görə, bu barədə Attaullah Tarar sosial şəbəkə hesabında paylaşım edib.
Onun sözlərinə görə, əməliyyatların başlanğıcından etibarən Pakistan ordusu Əfqanıstan ərazisində yerləşən 226 nəzarət məntəqəsini məhv edib, daha 35-ni isə ələ keçirib. Həmçinin Pakistan Hərbi Hava Qüvvələri qonşu ölkədə 56 hədəfə zərbə endirib. Bundan əlavə, Pakistan Silahlı Qüvvələri 198-dən çox düşmən zirehli texnikasını zərərsizləşdirib.
Bununla yanaşı, Əfqanıstan Müdafiə Nazirliyi Pakistan tərəfinin itkilərinin 150 nəfər olduğunu, 200-dən çox hərbçinin isə yaralandığını açıqlayıb. Nazirliyin məlumatına görə, münaqişə zamanı 28 əfqan hərbçisi həlak olub, daha 42 nəfər yaralanıb.