Azərbaycan.media xəbər verir ki, saqqız bir çox insan üçün gündəlik vərdişə çevrilsə də, onun təkcə nəfəsi təravətləndirmək üçün deyil, sağlamlıq baxımından da bir sıra faydaları olduğu hər kəsə məlum deyil.
Xarici KİV-ə istinadən yayılan məlumatlara görə, mütəxəssislər saqqız çeynəməyin orqanizmə təsir edən bir neçə müsbət cəhətini qeyd edirlər.
Yaddaşı və diqqəti gücləndirir
Saqqız çeynəmək beyin fəaliyyətini aktivləşdirir, qan dövranını sürətləndirir və bununla da yaddaşın möhkəmlənməsinə, diqqətin artmasına kömək edir. Araşdırmalar göstərir ki, saqqız çeynəyən şəxslər məlumatı daha yaxşı yadda saxlayır və zehni tapşırıqları daha effektiv yerinə yetirirlər.
Stress və narahatlığı azaldır
Stressli anlarda saqqız çeynəmək sadə, lakin təsirli rahatlama vasitəsi ola bilər. Çeynəmə prosesi stress hormonu olan kortizolun səviyyəsini aşağı salaraq emosional gərginliyin və narahatlığın azalmasına səbəb olur.
Kariyes və diş ərpinin qarşısını alır
Şəkərsiz saqqız ağız boşluğunda turşuları neytrallaşdırır, tüpürcək ifrazını artırır və diş minasını qoruyur. Bu isə kariyesin və diş ərpinin yaranma riskini azaldır.
Maddələr mübadiləsini sürətləndirə bilər
Saqqız çeynəmək həzm prosesini stimullaşdıraraq maddələr mübadiləsinin sürətlənməsinə kömək edə bilər. Artan tüpürcək ifrazı həzmi yaxşılaşdırır və orqanizmdə mübadilə proseslərini dəstəkləyir.
Mütəxəssislər bildirirlər ki, saqqızdan düzgün və ölçülü istifadə edildikdə, bu sadə vərdiş sağlamlıq üçün faydalı ola bilər.