Azərbaycan.media xəbər verir ki, ABŞ-ın Varşavadakı keçmiş səfiri Daniel Frid Polşanı Avropa regionunun müdafiə sistemində əsas və əvəzolunmaz ölkə kimi qiymətləndirib.
Onun sözlərini Polşanın “Do Rzeczy” nəşri sitat gətirib. Amerikalı diplomat bildirib ki, Avropanın təhlükəsizliyinin təmin olunması Polşanın iştirakı olmadan mümkün deyil.
“Demək olar ki, hər kəs bilir ki, Avropanın müdafiəsi Polşa olmadan mümkün deyil”, – deyə Daniel Frid vurğulayıb.
Frid, həmçinin Polşaya ABŞ-da yüksək etimad göstərildiyini qeyd edərək, ölkənin həm Demokratlar, həm də Respublikaçılar Partiyası tərəfindən hörmətlə qarşılandığını bildirib.
“Polşa demokratik, çiçəklənən və iqtisadi baxımdan uğurlu, eyni zamanda ordusuna ciddi sərmayə qoyan bir ölkə kimi dəyərləndirilir”, – deyə o əlavə edib.