Azərbaycan.media xəbər verir ki, Azərbaycan Prezidenti İlham Əliyev İran Prezidenti Məsud Pezeşkianla telefon danışığı zamanı bölgədəki gərginliyin aradan qaldırılmasına Azərbaycanın töhfə verməyə hazır olduğunu bildirib.
Dövlət başçısı regionda yaranmış mövcud vəziyyətin narahatlıq doğurduğunu qeyd edərək, Azərbaycanın bu kimi məsələlərin dialoq və qarşılıqlı anlaşma yolu ilə həllinin tərəfdarı olduğunu vurğulayıb.
İran Prezidenti Məsud Pezeşkian isə öz növbəsində Prezident İlham Əliyevə mövqeyinə və göstərilən diqqətə görə təşəkkürünü ifadə edib.