Azərbaycan.media xəbər verir ki, qlobal məlumat platformalarının son statistikası dünyada ən çox yatan ölkələri üzə çıxarıb. Araşdırmalar göstərir ki, hər ölkənin özünəməxsus həyat ritmi və buna uyğun formalaşan yuxu rejimi mövcuddur.
Bəzi ölkələrdə “siesta” kimi gündüz yuxusu ənənələri ümumi yuxu müddətinin artmasına səbəb olur. Digər ölkələrdə isə gec saatlara qədər davam edən aktiv sosial həyat gecə yuxusunun azalması ilə nəticələnir. Mütəxəssislər bildirirlər ki, yuxu müddəti yalnız bioloji ehtiyac deyil, eyni zamanda mədəni və sosial faktorlarla da sıx bağlıdır.
Statistikaya əsasən, dünyada ən çox yatan ölkələr bunlardır:
-
Niderland – təxminən 8 saat 5 dəqiqə
-
Yeni Zelandiya – təxminən 8 saat 4 dəqiqə
-
Fransa – təxminən 8 saat 3 dəqiqə
-
Avstraliya – təxminən 8 saat 1 dəqiqə
-
Belçika – təxminən 8 saat 1 dəqiqə
-
Kanada – təxminən 7 saat 58 dəqiqə
-
Birləşmiş Krallıq – 7 saat 54 dəqiqə
-
ABŞ – təxminən 7 saat 52 dəqiqə
-
Yaponiya – təxminən 7 saat 30 dəqiqə
-
Sinqapur – təxminən 7 saat 24 dəqiqə
Rəsmi məlumatlara görə, Türkiyədə orta yuxu müddəti 6,8 saat təşkil edir. Bu göstərici ilə Türkiyə dünya üzrə yuxu reytinqində 20–25-ci yerlər arasında qərarlaşıb.
Mütəxəssislər uzunmüddətli yuxu azlığının həm fiziki, həm də psixoloji sağlamlıq üçün ciddi risklər yaratdığını vurğulayaraq, sağlam həyat tərzinin əsas şərtlərindən birinin kifayət qədər və keyfiyyətli yuxu olduğunu bildirirlər.