Azərbaycan.media xəbər verir ki, Rusiya Prezidenti Vladimir Putin ABŞ Prezidenti Donald Trampdan “Sülh Şurasına” dəvətnamə ilə bağlı şəxsi mesaj aldığını bildirib.
Bu barədə TASS xəbər yayıb. Vladimir Putin Xarici İşlər Nazirliyinə sözügedən təklifi ətraflı şəkildə öyrənməyi, tərəfdaşlarla məsləhətləşmələr aparmağı və bundan sonra Rusiya Federasiyasının rəsmi mövqeyini müəyyənləşdirməyi tapşırıb.
Rusiya Prezidenti Qəzza prosesi çərçivəsində atılan addımların Yaxın Şərqdəki münaqişənin həllinə müsbət təsir göstərməsinin vacibliyini vurğulayıb.
Putin bildirib ki, Rusiya Federasiyası ABŞ-da dondurulmuş vəsaitlər arasından “Sülh Şurasına” 1 milyard dollar göndərməyə hazırdır. O, eyni zamanda Ukrayna ilə müharibədən sonra ərazilərin bərpası məqsədilə Rusiyanın dondurulmuş aktivlərindən istifadənin ABŞ ilə müzakirə olunduğunu qeyd edib.
Dövlət başçısı yanvarın 22-də bu məsələlərlə bağlı Stiv Uitkoff və Cared Kuşnerlə əlaqə saxlamağı planlaşdırdığını da təsdiqləyib.