Azərbaycan.media xəbər verir ki, onlarla İran vətəndaşı quru sərhədini keçərək Türkiyəyə daxil olub. Bu barədə “Reuters” məlumat yayıb.
Bildirilib ki, iranlılar Kapıköy sərhəd-keçid məntəqəsi vasitəsilə Türkiyənin Van vilayətinə daxil olublar. İki anonim mənbənin məlumatına görə, bəzi ölkələrin vətəndaşlarını İrandan çıxmağa çağırmasından sonra sərhədi keçənlərin sayı artıb.
Buna baxmayaraq, İran-Türkiyə sərhəd nümayəndəsi vəziyyətin fövqəladə olmadığını, sərhəd-keçid məntəqəsinə yaxınlaşan iranlıların sayında ciddi artım olmadığını bildirib.
Qeyd edək ki, İranda bir neçə gündür internet kəsilib. ABŞ-da yerləşən İnsan Haqları Fəalları Xəbər Agentliyi (HRANA) bu vəziyyətlə bağlı məlumat yayıb.