Azərbaycan.media xəbər verir ki, Şirvan şəhərinin bir hissəsində təbii qazın verilişində müvəqqəti fasilə yaranacaq.
Bu barədə “Azəriqaz” İstehsalat Birliyi məlumat yayıb. Bildirilib ki, Şirvan şəhəri Naxçıvan küçəsində yerləşən 1 264 mənzilli, 25 binadan ibarət “MİDA” MMC yaşayış kompleksinin təbii qazla təmin olunması məqsədilə yeni çəkilmiş qaz xətti “Şirvan Əhali” ölçü qovşağından qidalanan diametri 530 mm-lik mövcud kollektora birləşdiriləcək.
Qeyd olunub ki, işlərin icrası zamanı saat 10:00-dan etibarən, işlər başa çatanadək Şirvan şəhərinin ümumi 4 705 abonentini əhatə edən hissəsində qaz təchizatı müvəqqəti dayandırılacaq.