Azərbaycan.media xəbər verir ki, 2026-cı il yanvarın 1-dən Rusiyada nəqliyyat vasitələrinin texniki yoxlanılması üçün ödənişlər orta hesabla 9,7 faiz artacaq. Bu artım əvvəlki ilə nisbətən təxminən üçdə bir faiz çoxdur.
Publika.az-ın məlumatına görə, ən yüksək yoxlama qiymətləri Çukotkada olacaq və burada ödəniş 5400 rubl (təxminən 114 manat) təşkil edəcək. Digər yüksək qiymətli bölgələr arasında Sankt-Peterburq (2032 rubl – 43 manat), Amur vilayəti (1855 rubl – 39 manat), Nenets Muxtar Dairəsi (1752 rubl – 37 manat) və Zabaykalsk diyarı (1444 rubl – 31 manat) yer alır. Zabaykalsk diyarında ödəniş 31,5 faiz artacaq.
Ən aşağı qiymətlər isə Novqorod və Volqoqrad vilayətlərində (1074 rubl – 22 manat), Tuvada (1087 rubl – 23 manat), Kalmıkiyada (1121 rubl – 23 manat) və Qaraçay-Çərkəzdə (1134 rubl – 24 manat) olacaq. Moskvada yoxlamanın qiyməti 9,6 faiz artaraq 1295 rubla (27 manat), Moskva vilayətində isə 1238 rubla (26 manat) çatacaq.
Ekspertlər bildirirlər ki, tarif artımı inflyasiyanı üstələsə də, operatorların iqtisadi səmərəliliyini təmin etməyəcək. Eyni zamanda qeyd olunur ki, yoxlamaya çağırılanların 15-20 faizdən çoxu gəlmir, çünki bu yoxlamalar yalnız sərnişin taksiləri, yük maşınları və avtobuslar üçün, həmçinin dörd ildən çox yaşı olan nəqliyyat vasitələrinin yenidən qeydiyyatı və dizayn dəyişiklikləri zamanı məcburidir.