Azərbaycan.media xəbər verir ki, Macarıstanın Baş naziri Viktor Orban Ukraynanın parçalanmasının ölkəsi üçün ciddi problem yaradacağını bildirib və qonşu ölkədə sabitliyin qorunmasının vacib olduğunu vurğulayıb.
Modern.az-ın məlumatına görə, Orban bu fikirləri Seqeddə hakim Fidesz-Macarıstan Vətəndaş Birliyi partiyasının fəallarının suallarını cavablandırarkən səsləndirib. Baş nazir qeyd edib ki, Ukraynanın parçalanmasının qarşısını almaq üçün çox iş görülməlidir: “Kəndli yaxşı başa düşür ki, onun torpağının dəyərinə qonşusunun sərvəti də təsir edir”, – deyə Orban əlavə edib.
O vurğulayıb ki, Macarıstan üçün sabit və bütöv Ukrayna strateji əhəmiyyət daşıyır.