Azərbaycan.media xəbər verir ki, Britaniyanın Meteorologiya İdarəsi 2026-cı ilin qlobal orta temperaturunun 1,4 °C həddini aşaraq ardıcıl dördüncü il ola biləcəyini açıqlayıb.
Alimlərin proqnozuna görə, 2026-cı il müşahidələr aparılmağa başladığı andan bəri ən isti illərdən biri ola bilər. Bu, atmosferdə istiliyi saxlayan istixana qazlarının planetin isinməsini davam etdirməsi fonunda baş verə bilər.
Qeyd olunur ki, 2025-ci ilin yanvar-noyabr ayları üzrə qlobal orta temperatur sənayeöncəsi səviyyədən 1,48 °C yüksək olub.
Hazırda 2024-cü il müşahidələr aparılmağa başlanandan bəri ən isti il olaraq qalır və 1850-1900-cü illər bazis dövrü ilə müqayisədə temperaturun ilk dəfə 1,5 °C həddini aşdığı il kimi tarixə düşüb.