Azərbaycan.media xəbər verir ki, Sankt-Peterburq Birjasının məlumatlarına görə, Rusiyada Aİ-92 və Aİ-95 benzininin topdansatış qiymətləri son bir həftə ərzində kəskin düşüb.
Dekabrın 19-u cümə günü keçirilən ticarət əməliyyatlarında Aİ-92 ton üzrə 53.049 rubla, Aİ-95 isə 61.027 rubla düşüb. Müqayisə üçün, dekabrın 5-də Aİ-92 56.759, Aİ-95 isə 67.538 rubla satılıb. Beləliklə, son iki həftədə Aİ-92 təxminən 3.700 rubl, Aİ-95 isə 6.500 rubla ucuzlaşıb.
Baş nazirin müavini Aleksandr Novak qiymətlərin aşağı düşməsini əsasən tələbatın mövsümi azalması ilə izah edib. Həmçinin, Ukraynanın pilotsuz təyyarələrinin zərər vurduğu bir neçə iri neft emalı zavodunda təmir işlərinin başa çatması və Belarus yanacaq birjasında satışların artması da buna təsir göstərib.
Ekspertlər xəbərdarlıq edirlər ki, qiymətlərin sabitləşməsinə baxmayaraq, Rusiya neft emalı zavodlarına hələ də pilotsuz təyyarələrdən gələn təhdid mövcuddur və böhranın tam arxada qalması hələ erkəndir.