Azərbaycan.media xəbər verir ki, Sosial Xidmətlər Agentliyi Publik Hüquqi Şəxsi əlilliyi müəyyən edilmiş şəxslərin və şəhid ailələrinin mənzil təminatını yaxşılaşdırmaq məqsədilə Ağdaş rayonunda satınalma həyata keçirir. Hurriyyet.az-ın məlumatına görə, müvafiq satınalma proseduru bu məqsədlə elan olunub.
Satınalma çərçivəsində Ağdaş rayonunda 20 ədəd ikiotaqlı və 27 ədəd üçotaqlı olmaqla ümumilikdə 47 mənzil alınacaq. Müqavilənin ümumi dəyərinin 3 milyon 187 min manat təşkil etdiyi bildirilir.