Azərbaycan.media xəbər verir ki, Kembric Universitetinin apardığı araşdırma insan beyninin tam yetkinliyə 32 yaşında çatdığını göstərib. Tədqiqatda qeyd olunur ki, ən böyük dəyişiklik məhz bu yaş ətrafında baş verir və beynin neyron əlaqələri “yetkinlik rejimi”nə keçir.
Professor Dunkan Astle və komandasının araşdırmasına görə, beyin inkişafında dörd əsas dönüş nöqtəsi mövcuddur: 9, 32, 66 və 83 yaş. Tədqiqatın rəhbəri Aleksa Mousley bildirir ki, 32 yaş ətrafında müşahidə olunan dəyişiklik valideynlik və digər əsas həyat hadisələri ilə əlaqəli ola bilər.
Ekspertlər qeyd edirlər ki, 0-9 yaş dövrü sürətli inkişaf və lazımsız əlaqələrin silinməsi ilə xarakterizə olunur, 32 yaş yetkinlik rejimi, 66 yaş erkən qocalıq, 83 yaş isə gec qocalıq mərhələsinin başlanğıcı kimi qiymətləndirilir.