Azərbaycan.media xəbər verir ki, bu ilin oktyabr ayında Azərbaycanda bütün platformalarda (kompüter, mobil cihazlar və planşetlərdə) süni intellekt (AI) “chatbot”ları arasında ChatGPT liderliyini qoruyub.
“Statcounter” agentliyinin son hesabatına əsasən, ChatGPT-nin bazar payı 93,55% təşkil edib ki, bu da sentyabr ayına nisbətən 1,53 faiz bəndi azdır.
İkinci pillədə Microsoft Copilot (2,42%, +0,41 faiz bəndi) qərarlaşıb, üçüncü yer isə Google Gemini-nin payına düşür (2,32%, +1,31 faiz bəndi). Dördüncü yerdə Perplexity (1,51%, -0,11 faiz bəndi), beşinci yerdə isə Claude (0,2%, -0,08 faiz bəndi) olub.
Platformalara görə bazar payları belədir:
Kompüterlərdə:
-
ChatGPT – 93,88 % (+0,64)
-
Microsoft Copilot – 2,75 % (-0,52)
-
Perplexity – 1,66 % (-0,30)
-
Google Gemini – 1,49 % (+0,54)
-
Claude – 0,23 % (-0,11)
Mobil cihazlarda:
-
ChatGPT – 91,3 % (-6,73)
-
Google Gemini – 8,26 % (+6,94)
-
Perplexity – 0,43 % (+0,43)
Planşetlərdə:
-
ChatGPT – 85,71 % (-5,71)
-
Google Gemini – 14,29 % (+14,29)
Hesabat göstərir ki, ChatGPT bütün platformalarda liderliyini qoruyur, lakin mobil və planşet bazarında Google Gemini sürətlə payını artırır.