Azərbaycan.media xəbər verir ki, Birləşmiş Ərəb Əmirliklərinin (BƏƏ) energetika və infrastruktur naziri Süheyl əl-Məzrui dünya üzrə enerji tələbatının artacağını və bu sahəyə investisiyaların vacib olduğunu bildirib.
Nazir vurğulayıb ki, bazarlarda enerji bolluğu ssenarisini gözləmir və dünyaya neft, qaz və bərpaolunan enerji resurslarına tələbatın artacağını proqnozlaşdırır:
“Dünyaya şübhəsiz ki, daha çox resurs lazım olacaq. İnvestisiyalarla iqtisadi mühitin bunu təmin etməsini təmin etməliyik”, – deyə əl-Məzrui qeyd edib.
O əlavə edib ki, gələcək investisiyalarda müştəri tələbatı ilə qlobal tələbat arasında balansın təmin olunması vacibdir. Nazir həmçinin süni intellekt və məlumat mərkəzlərinin inkişafının enerji tələbatını daha da artıracağını bildirib:
“Həmçinin enerji bolluğu ssenarisindən danışmayacağam, bunu görmürəm və əsaslandıra bilmirəm. Məncə, gördüyümüz şey tələb artımıdır”.