Azərbaycan.media xəbər verir ki, İran Hörmüz boğazında nəzarəti sərtləşdirərək iki gəmini ələ keçirib.
Məlumata görə, bu addım ABŞ Prezidenti Donald Trump tərəfindən hücumların qeyri-müəyyən müddətə dayandırıldığının elan edilməsindən sonra atılıb. Hadisə ilə bağlı məlumatı Reuters yayıb.
Qeyd edək ki, iki həftə əvvəl əldə olunmuş atəşkəsin müddətinin başa çatmasına baxmayaraq, onun uzadılıb-uzadılmadığı hələ də qeyri-müəyyən olaraq qalır. ABŞ administrasiyası atəşkəsi uzatmaq niyyətini açıqlasa da, İran rəsmiləri bu qərarı təsdiqləməyiblər.
Xatırladaq ki, Tehran Vaşinqtonun İranın dəniz ticarətinə qarşı tətbiq etdiyi blokadanı kəskin tənqid edir və bunu müharibə aktı kimi qiymətləndirir. İran parlamentinin sədri Mohammad Baqer Qalibaf bildirib ki, blokada aradan qaldırılmadan tam atəşkəs mümkün deyil.
