Azərbaycan.media xəbər verir ki, Milli Hidrometeorologiya Xidmətinin məlumatına görə, fevralın 26-da ölkə ərazisində hava şəraitində müəyyən dəyişikliklər gözlənilir.
Bakıda və Abşeron yarımadasında hava şəraitinin dəyişkən buludlu, arabir tutulacağı, əsasən yağmursuz keçəcəyi proqnozlaşdırılır. Lakin gündüz saatlarında bəzi yerlərdə çiskinli olacağı ehtimalı var. Cənub-şərq küləyi əsəcək.
Havanın temperaturu gecə 3-5° isti, gündüz 7-10° isti olacaq. Atmosfer təzyiqi 764 mm civə sütunu təşkil edəcək. Nisbi rütubət 75-85 % səviyyəsində olacaq.
Azərbaycanın rayonlarında hava şəraiti əsasən yağmursuz keçəcək. Lakin gündüz saatlarından başlayaraq bəzi ərazilərdə arabir yağıntılı olacağı gözlənilir. Axşam saatlarında ayrı-ayrı yerlərdə yağıntının intensivləşəcəyi, dağlıq ərazilərdə isə qar yağacağı ehtimal edilir. Gecə və səhər bəzi yerlərdə duman müşahidə oluna bilər. Şərq küləyi gündüz bəzi ərazilərdə arabir güclənəcək.
Havanın temperaturu rayonlarda gecə 3-7° isti, gündüz 7-12° isti, dağlıq ərazilərdə isə gecə 5-10° şaxta, gündüz 0-5° isti olacaq.