Azərbaycan.media xəbər verir ki, əgər Estoniyada Rusiyaya hədəflənmiş nüvə silahı yerləşdirilərsə, Moskva da cavab olaraq həmin ölkəni hədəfə alacaq.
Bu sözləri Kremlin mətbuat katibi Dmitri Peskov bildirib.
“Rusiya Estoniyanı və ya digər ölkələri təhdid etmir, lakin təhlükəsizliyini təmin etmək üçün hər zaman zəruri addımları atacaq. Estoniya bunu anlamalıdır”, – deyə Peskov vurğulayıb.
Qeyd edək ki, Estoniyanın müdafiə naziri Marqus Tsaxna qərar qəbul ediləcəyi təqdirdə NATO-nun nüvə silahlarının ölkə ərazisində yerləşdirilməsinə Tallinnin icazə verə biləcəyini açıqlamışdı.