Azərbaycan.media xəbər verir ki, “525-ci qəzet”in baş redaktoru, Azərbaycan Yazıçılar Birliyinin sədr müavini Rəşad Məcid öz məqaləsində Prezident İlham Əliyevin fəaliyyəti və Azərbaycanın gündəlik həyatına dair düşüncələrini bölüşüb.
Rəşad Məcid yazır ki, Prezident İlham Əliyev öz yüksək enerjisi və dinamik fəaliyyəti ilə heyrətləndirməyə davam edir. Cənab Prezident fevralın 12-də “Bakı şəhəri və Abşeron yarımadasında su təchizatı, tullantı və yağış suları sistemlərinin təkmilləşdirilməsinə dair 2026-2035-ci illər üzrə Dövlət Proqramı”na həsr olunan müşavirə keçirmiş, daha sonra Tərtər və Ağdərə rayonlarında açılışlarda iştirak etmiş, müxtəlif obyektlərdə görülmüş işlərlə tanış olmuşdur. Məqalədə qeyd edilir ki, Ağdərə rayonunun Çapar kəndi, Heyvalı, Çıldıran, Canyataq və Aşağı Oratağ kəndlərində yaradılmış şəraitlə tanışlıq, Tərtər Elektromexanika Zavodunun və “Qozlukörpü” Su Elektrik Stansiyasının açılışı və “Dəmirli” Filiz Emalı Kompleksində işlərin qiymətləndirilməsi Prezidentin gündəlik fəaliyyətinin göstəricisidir.
Rəşad Məcid vurğulayır ki, Azərbaycanın sürətli və hərtərəfli inkişafı, xüsusilə Qarabağ və Şərqi Zəngəzurun abadlaşması məhz Prezident İlham Əliyevin enerjisi və liderliyi sayəsində gerçəkləşir.
Məqalədə həmçinin sosial medianın yaratdığı reallıq, insan tənhalığı, gündəlik həyatın sürəti, uşaqların texnologiya ilə münasibəti, eləcə də tarix və mədəniyyətlə bağlı düşüncələr əks olunub. Yazı, oxucuda həyatın müxtəlif sahələrinə dair duyğu və təəssürat yaradan qısa hissələr və müşahidələrlə zəngindir.
Rəşad Məcid yazını belə yekunlaşdırır: “Şövqünüz də, gücünüz-qüdrətiniz də tükənməsin, cənab Prezident!” – bu ifadə Azərbaycan dövlət başçısına həm təşəkkür, həm də alqış kimi təqdim olunur.