BU YÜKÜ
Ömrün qürubuna qaçıram hər gün,
Verəm sahibinə çatam, bu yükü.
Damıb ürəyimə, başı qaldadı
Mənə saxlamazdı butam bu yükü..
Həsrətlə ürəyim doymaz, bilirəm
Ünvana çatmasa solmaz, bilirəm..
İzini itirmək olmaz, bilirəm,
Aparıb dərdlərə qatam bu yükü.
Mən qadın sevgili, ürəkli, nərəm,
Tanrı yazdığına, qulam, nökərəm.
Daş olsa, çiynimə atıb çəkərəm,
Ürəyə atmışam, atam, bu yükü.
Müəllif: Arzu Nehrəmli
Mənbə: Azərbaycan.media