Azərbaycan.media xəbər verir ki, Prezident İlham Əliyev “Apellyasiya instansiyası məhkəməsinin kollegiya sədrinin, birinci instansiya məhkəməsi sədrinin və bir sıra birinci instansiya məhkəmələri hakimlərinin təyin edilməsi ilə bağlı bəzi məsələlər haqqında” sərəncam imzalayıb.
Sərəncama əsasən, bir sıra hakimlər vəzifədən azad edilərək yeni məhkəmələrdə vəzifələrinə təyin olunublar. Məsələn:
Səməd Fəxrəddin oğlu Cəfərov – Bakı Apellyasiya Məhkəməsinin Kommersiya Kollegiyasının sədri;
Murad Şamxal oğlu Aslanov – Bakı Ağır Cinayətlər Məhkəməsinin hakimi;
Firdovsi Zülfü oğlu Əliyev, Kamil Çingiz oğlu Əliyev, Aygün Arzu qızı Qurbanova – Bakı Ağır Cinayətlər Məhkəməsinin hakimləri;
Asif Əmrah oğlu Əliyev – Sumqayıt Ağır Cinayətlər Məhkəməsinin hakimi;
Natiq Əvəz oğlu İsmayılov və Ramin Nizaməddin oğlu Quliyev – Bakı İnzibati Məhkəməsinin hakimləri;
Fərid Nadir oğlu Əliyev – Gəncə İnzibati Məhkəməsinin hakimi;
Xədicə Əlicabbar qızı Səfərli – Gəncə Kommersiya Məhkəməsinin hakimi.
Eyni zamanda, birinci instansiya məhkəmələrinə yeni hakimlər təyin olunub, o cümlədən Bakı, Gəncə, Lənkəran, Sumqayıt və digər şəhər və rayon məhkəmələrinə. Sərəncam “Məhkəmələr və hakimlər haqqında” qanuna uyğun olaraq icra olunur.