Azərbaycan.media xəbər verir ki, Xəzər dənizində itkin düşən balıqçılardan birinin meyiti tapılıb.
Fövqəladə Hallar Nazirliyindən verilən məlumata görə, dekabrın 9-da Astara rayonunun Şahağac kəndi yaxınlığında itkin düşən iki balıqçıdan biri — 1999-cu il təvəllüdlü Ağadədə Famil oğlu Həsənovun meyiti dalğıc-xilasedicilər tərəfindən sudan çıxarılaraq aidiyyəti üzrə təhvil verilib.
Hazırda itkin düşən digər şəxs — 1997-ci il təvəllüdlü Turan Eyvaz oğlu Həsənovun axtarışları davam etdirilir.