Azərbaycan.media xəbər verir ki, İran Prezidenti Məsud Pezeşkian ölkənin qərbindəki Sənəndəc şəhərində keçirilən iclasda çıxışı zamanı paytaxt Tehranda su çatışmazlığı ilə bağlı ciddi xəbərdarlıq edib.
Pezeşkian bildirib ki, İran hazırda qeyri-kafi yağış və azalan su ehtiyatları səbəbindən ağır təbii böhranla üzləşib. “Əgər yaxın vaxtlarda yağış yağmasa, gələn aydan etibarən Tehranda suya qənaət məqsədilə məhdudiyyətlər tətbiq olunacaq. Bu tədbirlər də kifayət etməzsə, su ehtiyatlarımız tükənəcək və Tehranı təxliyə etmək məcburiyyətində qalacağıq”, – deyə dövlət başçısı vurğulayıb.