Azərbaycan.media xəbər verir ki, Böyük Britaniya hökuməti Ukraynaya əlavə “Storm Shadow” qanadlı raketləri verib.
“Bloomberg” agentliyinin mənbələrə istinadən yaydığı məlumata görə, bu qərar Londonun qış mövsümü ərəfəsində Rusiyanın Ukrayna yaşayış məntəqələrinə hücumlarının artmasından narahat olması fonunda qəbul edilib. Məqsəd Ukraynanı ehtiyat silah-sursatla təmin etməkdir.
Mənbələr Britaniyanın verdiyi raketlərin dəqiq sayını açıqlamayıb. “Storm Shadow” raketləri 250 kilometrdən çox uçuş məsafəsinə malik yüksək dəqiqlikli silah sistemləridir.