Azərbaycan.media xəbər verir ki, Ermənistanın Baş naziri Nikol Paşinyan Moskvada Rusiya Prezidenti Vladimir Putin ilə görüşdən sonra brifinqdə bildirib ki, Ermənistanın Kollektiv Təhlükəsizlik Müqaviləsi Təşkilatı (KTMT) ilə fəaliyyətini bərpa etməsi real görünmür.
Paşinyan qeyd edib ki, Moskvadakı danışıqlardan sonra Ermənistanın KTMT ilə bağlı mövqeyində dəyişiklik yoxdur və keçmişə daim baxmağa ehtiyac yoxdur. O, Rusiya liderinə KTMT məsələsinin kifayət qədər müzakirə olunduğunu və digər mövzulara keçməyi təklif edib.
Baş nazir əlavə edib ki, mövcud məsələlər üzrə hər kəsin öz həqiqəti var və müzakirələr daim eyni nöqtəyə baxmaqla məhdudlaşmamalıdır: “Biz hər şeyi yaxşıca düşünmüşük və müəyyən nəticələrə gəlmişik. Dünən bu nəticələri qarşılıqlı hörmət şəraitində bölüşdük”, – Paşinyan vurğulayıb.
Əlaqəli mövzular: Paşinyan, KTMT, Rusiya, Putin
