Hava kəskin dəyişir: intensiv yağış və sel təhlükəsi gözlənilir

Azərbaycan.media xəbər verir ki, Milli Hidrometeorologiya Xidmətinin məlumatına əsasən, Bakıda və Abşeron yarımadasında aprelin 4-ü səhərdən 6-sı gündüzədək arabir yağış yağacağı proqnozlaşdırılır.
Bildirilib ki, yarımadanın bəzi ərazilərində yağıntılar intensivləşəcək, aprelin 4-də gün ərzində qısa müddətə güclü yağış və şimşək müşahidə oluna bilər. İntensiv və fasilələrlə güclənən yağışların şəhərətrafı subasmaya meyilli ərazilərdə problemlər yarada biləcəyi qeyd olunub.
Məlumata görə, ölkənin rayonlarında aprelin 4-ü səhərdən qərb bölgələrindən başlayaraq 7-si səhərədək hava şəraiti qeyri-sabit olacaq. Bəzi ərazilərdə yağıntıların intensiv, şərq rayonlarında isə daha güclü olacağı, şimşək çaxacağı, dolu düşəcəyi, dağlıq ərazilərdə qar yağacağı gözlənilir.
Sinoptiklər çaylarda sululuğun artacağını, xüsusilə Quba-Qusar bölgəsi çaylarında qısamüddətli daşqın və sel ehtimalının yüksək olduğunu vurğulayıblar.
Qeyd edilib ki, aprelin 4-7-də davam edəcək yağıntılı hava şəraitindən sonra 7-si gündüz və 8-də qısa fasilə yaransa da, 9-u gündüzdən etibarən yenidən yağıntılı hava şəraiti müşahidə olunacaq. Ümumilikdə ayın ilk ongünlüyündə ölkə ərazisində hava dəyişkən və yağıntılı keçəcək.

Oxundu: 9

Azərbaycan Media

Hava kəskin dəyişir: intensiv yağış və sel təhlükəsi gözlənilir

Türk Dövlətləri Təşkilatı regional və qlobal səviyyədə rolunu gücləndirir

Zelenski: İranın hücumlarına məruz qalan ölkələrlə əməkdaşlıq davam edir

ABŞ İran diplomatını ölkədən çıxardı – səbəb milli təhlükəsizlik