Azərbaycan.media xəbər verir ki, Azərbaycan Respublikasının Prezidenti İlham Əliyev, birinci xanım Mehriban Əliyeva və ailə üzvləri fevralın 26-da Xocalı şəhərində inşa olunan Xocalı Soyqırımı Memorialının açılış mərasimində iştirak ediblər.
Dövlət başçısı Memorialın önünə əklil qoyaraq faciə qurbanlarının xatirəsini ehtiramla yad edib.
Prezident, birinci xanım və ailə üzvləri daha sonra abidə kompleksi ilə tanış olub, Xocalı rayon ictimaiyyətinin nümayəndələri ilə görüş keçiriblər. Görüş zamanı faciə qurbanlarının əziz xatirəsinin daim uca tutulduğu və Xocalının dirçəldilməsi istiqamətində görülən işlərin davam etdirildiyi vurğulanıb.